Primeiro voo dun dron máis alá da liña visual

Dron híbrido longa distancia Redes intelixentes

UFD, xunto coa start-up navarra FuVeX, realizou en Huete, provincia de Cuenca, o primeiro voo de dron máis alá da liña visual sobre unha rede eléctrica en España.

Este importante fito na supervisión das liñas eléctricas sitúa a UFD como a empresa de vangarda neste tipo de operacións no noso país. O obxectivo é usar esta tecnoloxía de forma regular a partir de 2020, co obxectivo de mellorar a eficiencia na inspección das liñas eléctricas e eliminar riscos de seguridade para os operarios.

O dron utilizado, deseñado pola start-up navarra FuVeX, é un híbrido avión/multirrotor cun deseño patentado doado de operar, grazas á súa engalaxe/aterraxe vertical dende calquera superficie plana e o seu cruceiro modo avión, con ata cinco veces máis rango que helicópteros e multirrotores. A aeronave incorpora os sistemas para voar de forma segura, legal e coordinada con espazo aéreo.

Actualmente, as liñas eléctricas son revisadas por drons que voan na liña visual, é dicir, a un máximo de 500 metros do piloto. O acordo de UFD con FuVeX subscríbese dentro do marco normativo actual e anticípase, ademais, á normativa europea na categoría de BVLOS (Beyond Visual Line of Sight), isto é, “máis alá do alcance visual”. O obxectivo de UFD e FuVeX é levar os drons ao seu seguinte paso industrial: os voos a longa distancia, co obxectivo de ser a primeira empresa en operar, de forma industrial, drons de longo alcance BVLOS en liñas eléctricas en 2020 en Europa.

Raúl Suárez, director de UFD, sinala que “a nosa compañía é sinónimo de innovación aberta e temos o foco posto, de xeito permanente, no talento interno e en xerar interseccións de coñecemento co talento externo; vemos así o mellor xeito de xerar e desenvolver novas ideas e produtos que acheguen un valor diferencial no mercado, como acontece con este proxecto de inspección de liñas eléctricas a longa distancia con aeronaves máis alá da liña visual, que nos coloca na vangarda nesta materia en España e en  Europa”.

Colaboración público-privada

O primeiro voo de proba foi posible tamén grazas á colaboración e coordinación coa Axencia Estatal de Seguridade Aérea (AESA) que se encarga da supervisión de operacións con drons de ata 150 kg, e con ENAIRE, xestor de navegación aérea e de información aeronáutica de España, cuarto en Europa por volume de tráfico e un dos máis importantes a ámbito mundial.

A innovación, no ADN de Naturgy

A innovación formou sempre parte do grupo Naturgy, que actualmente aposta por unha estratexia de innovación colaborativa e aberta que fomenta a relación con actores externos, como universidades, start-ups, organismos de investigación, emprendedores ou Administracións públicas, para promover o intercambio de ideas e convertelas en servizos que garantan unha subministración de enerxía eficiente, sostible e segura.