De acordo coa Resolución da Comisión Nacional dos Mercados e a Competencia (CNMC), ditada pola Sala de Competencia, no marco do expediente S/0006/23, informámoste do seguinte:
- Se tes un punto de medida tipo 3 ou tipo 4 en baixa tensión (isto é, cunha potencia contratada superior a 15 kW e inferior a 450 kW), podes solicitarnos, se así o desexas, a instalación e a activación dun contador de telemedida propiedade de terceiros, é dicir, un contador que sexa da túa propiedade ou que sexa propiedade dunha empresa distinta de UFD.
- Se solicitaches instalar un contador de telemedida propiedade de terceiros antes do 17 de decembro de 2025, realizarase a activación do teu contador no sistema de telemedida canto antes e, en calquera caso, antes do 17 de febreiro de 2026, para cumprir o que establece o apartado 8.1 da citada resolución.
Na maioría das subministracións de electricidade, a propiedade do equipo de medida ou contador é de UFD, e ti como cliente pagas un importe mensual na túa factura baixo o concepto de alugamento do equipo. Noutros casos, pola contra, o cliente é propietario do equipo de medida.
Se desexas realizar calquera cambio na propiedade destes equipos de medida, tanto se queres deixar de ser o propietario, coma se queres asumir a propiedade, tes que enviarnos unha solicitude, enchendo o seguinte formulario.
Lembra…
se decides asumir a propiedade do equipo, deixarás de pagar o prezo do alugamento, pero tendrás que disponer de un equipo homologado y mantenerlo conforme con la normativa que aplica, en buen estado y actualizado para que transmita correctamente los datos de tus medidas de consumo y/o generación. En caso de que nós sexamos os propietarios, non te preocupes de nada, encargarémonos de todo.En calquera caso, os cambios ou modificacións que realices no equipo de medida, sexa cal for o propietario, debes notificárnolo a UFD
Contámosche que pasos tes que seguir!
Como xestionamos o cambio de propiedade dun equipo de medida?
Cubre o formulario de solicitude
Tesnos que indicar se queres empezar a ser propietario do teu equipo de medida ou que o sexa unha empresa distinta de UFD, ou ben se prefires que UFD asuma a propiedade do equipo. Rechea todos os campos do formulario, nós irémosche indicando que documentación tes que anexar. Se tes dúbidas, recomendámosche que consultes cun instalador autorizado.
Procesamos a túa solicitude
Se temos dúbidas sobre a documentación achegada ou necesitamos información adicional, porémonos en contacto contigo a través do correo electrónico ou o teléfono que nos indicases na túa solicitude.
Acudimos a verificar a túa instalación
No caso de que nos solicitaras empezar a ser propietario do teu contador ou que o sexa unha empresa distinta de UFD, necesitamos comprobar que o teu novo equipo cumpre cos requisitos técnicos e está correctamente instalado; se todo vai ben, retiraremos o equipo de UFD e precintaremos o novo. Doutra banda, no caso de que nos solicitaras que asumamos nós a propiedade, necesitamos verificar que a túa instalación eléctrica é correcta para poder colocar o noso novo contador.
Respondémosche
Nun prazo máximo de 15 días naturais dende que nos envíes a solicitude, se todo foi ben, indicarémosche que temos resolta a túa petición. No caso contrario, informarémoste do que impediu realizala e pedirémosche que volvas abrir unha nova solicitude.
Formulario de solicitude
Selecciona a modalidade que máis che interesa.
Solicito ser propietario do equipo de medida ou que sexa propiedade dunha empresa distinta de UFD
Lexislación vixente
- Real Decreto 1110/2007, do 24 de agosto, polo que se aproba o Regulamento unificado de puntos de medida do sistema eléctrico.
- Lei 32/2014, de decembro, de metroloxía.
- Real Decreto 244/2016, do 3 de xuño, polo que se desenvolve a Lei 32/2014, do 22 de decembro, de metroloxía.
- Orde ICT/155/2020, de febreiro, pola que se regula o control metrolóxico do Estado de determinados instrumentos de medida.
