Somos o terceiro operador de distribución de electricidade en España e estamos presentes en Galicia, onde somos o maior distribuidor de electricidade, ademais de en Castela-A Mancha, Castela e León e a Comunidade de Madrid.

Damos servizo a 3,8 millóns de puntos de subministración, a través dunha rede de 114.000 quilómetros de liñas de alta, media e baixa tensión, mantendo e operando as redes co compromiso de garantir o servizo en condicións de eficiencia, seguridade e calidade.

Os recentes investimentos realizados, xuntamente cos recursos dedicados a operación e mantemento, contribuíron a que a fiabilidade do servizo alcance o 99% nos últimos anos.

A nosa moderna rede de distribución, tanto a ámbito tecnolóxico coma de xestión, é unha peza fundamental da transición enerxética cara a un modelo descarbonizado.

Mantemos un forte compromiso coa sociedade e o desenvolvemento económico dos nosos territorios, sempre coa sostibilidade e o medio ambiente como piares básicos para a creación de valor económico, medioambiental e social a curto e longo prazo.