Proxecto RedACTIVA

Que é?

O proxecto RedACTIVA caracterízase polo desenvolvemento de solucións, ferramentas e equipos innovadores que permitan optimizar a automatización da rede de distribución eléctrica de MT/BT para mellorar a operación da rede, optimizando a súa eficacia e efectividade, dando solución a problemas de operación identificados, engadindo funcionalidades a equipos xa despregados e aumentando a calidade do servizo ao usuario final.

Evitar o funcionamento en illa

Desenvolver solucións que permitan evitar o funcionamento en illa non intencionado que se produce nos sistemas de xeración distribuída instalados na rede e que son cada vez máis comúns.

Solucións para a ferrorresonancia

Desenvolver solucións que eviten ou mitiguen a aparición do fenómeno de ferrorresonancia na rede de distribución.

Desenvolver novos sensores

Desenvolver novos sensores de tensión/intensidade que permitan ter unha información confiable en tempo real sobre o estado da rede, en lugar de realizar estimacións de estado.

Probar as solucións

Probar as solucións e dispositivos desenvolvidos no proxecto en pilotos a escala de laboratorio e escala real en busca dunha correcta funcionalidade dos novos sistemas e dun acceso máis rápido a mercado.

Localización de defectos

Desenvolver algoritmos específicos de localización de defectos nos diferentes compoñentes das liñas eléctricas.

Mantemento preditivo

Implantar sistemas de detección precoz de faltas na rede de distribución eléctrica que permitan realizar un mantemento preditivo da rede e unha mellor xestión de activos, en prol de aumentar a vida útil dos equipos e optimizar os custos de mantemento/substitución.