Aprende con estas recomendacións a previr estafas de falsos operarios

Consellos e recomendacións

Cada certo tempo, publícanse noticias sobre falsos operarios que entran nunha vivenda facéndose pasar por técnicos dunha empresa eléctrica ou doutros servizos e, en realidade, róubante ou estáfante.

Ante estes casos, dende UFD queremos que coñezas as nosas recomendacións para evitar que isto che suceda a ti.

Para empezar, é pouco habitual que os nosos operarios teñan que acceder á túa vivenda para realizar traballos na instalación eléctrica. De feito, só hai catro supostos nos que si é necesario que entremos na túa casa:

  • Cando solicites un aumento da potenciaeléctrica, pode ser necesario retirarche o Interruptor de Control de Potencia.
  • Cando o contadorestea dentro da túa vivenda, algo que é moi pouco habitual.
  • Cando solicites uncambio no teu contrato de electricidade e a instalación teña máis de 20 anos, xa que teremos que revisala.
  • Cando comuniquesdanos en aparatos eléctricos e o servizo técnico acuda a realizar a valoración ou reparación. Nalgúns casos, chamámoste antes nós para valorar a asistencia dun técnico.

Polo tanto, se non fuches ti quen solicitou a presenza dun operario da compañía, o contador non está dentro da túa casa ou non te chamamos nós, desconfía. E, en todo caso, se para estes supostos temos que acceder á túa vivenda, os nosos operarios sempre irán debidamente acreditados cun carné oficial.

E recorda, en UFD, nunca teremos que realizar ningunha acción dentro da túa casa que deba ser aboada nese mesmo instante, nin en metálico, nin mediante tarxeta.

Xa sabes! Ante a máis mínima dúbida sobre a acreditación ou as intencións do operario que solicite entrar na túa vivenda, sigue estes útiles consellos e contacta connosco a través do teléfono 900 111 999.